زجل .....إلى الصامدين في وطني وفي كل الوطان

الراس الي ما تدور كُديةوأنا راسي ناحتو من صوان. راسي قاسح كي الحجرةو لا صَمًة قادًتْها لمْحان. َكَالو لي َلقْدار بيَاوما بيَ غير راي الدوَل، كَالو أرضي عاكَرة حُكَديةواسماها يابسة ما تنداش، أنا ما شي اغشيم و لا نيةعارف صاحب دعوتي ما يسواش. علاش إذا خابت اتجي في و إذا ارْوات كَاع ما نرواش؟؟
علاش أنا هكذا محكوم عليإذا نَشْفَتْ تَتْشَقًقْ بيَ،وإذا حملت وادها هاج ادًاني؟؟ما عندي اظهر يحجب عليما عندي يَدْ فوقي ترعاني. واش أنا عندي امَاليَاو لا عندي بلاد نكول أوطاني؟؟ولا واد الحُكَرَة احْمَل بيوازمان الذل ضاق بي وارماني؟؟ واش أنا طَاحت الشتوة بيو لا لعجاج ساط بي واجلاني؟؟ واش أنا جات الحملة بيو لا اسْمايا حار بي خلاني؟؟ واش اكْلاَ الذيب امَاليَاو لا شعبي اغريب منو براني؟؟؟ واش أنا افريد فهاذ الدنيا ولا زغبي اْتَبَرا مني سلطاني؟؟؟؟ ما تلا حد جايبها في حتى كلبي هََْر في واكلاني؟؟؟ شمعتي صارت مطفيةشمسي ابكات والليل اكواني ياك أنا اخوات القبايل بي ياري خمدَتْ واتْمَرَمْد شاني. ولات الناس تتشفى فيوالي كَلت احبيب راح وخلاني. علاش أنا فين حقي فالغلة؟ ولا باقيين على عهد الذلةهذا مني اقريب، هذا براني؟؟؟ عبدالنبي العفوي بوعرفة