يوميات مهاجر بزز عليه"الحلقة 11″

رجعت 4للدار فرحان وسعيد جدا انني غادي نخدم مع واحد طالياني يدون وساطة بوحدي والله سبحانه، مقالتها حتى لشي واحد فقط ولد الاخ اللي يعرف ، حتى في العشية اميشت عند الجزار المغربي جبت شي شوية اديال اللحم باش انطيب لغدا لليوم الموالي ، شافوني كانطيب ادخلهم لعجب وبداو كايتعامزو مع بعضياتهم اواه كيفاش ، هذا خينا اخدم ولا كيفاش ، مقدروش يسولوني ولكن ابداو كايطنزو ويجبدو فيا ، خوكم ناكر بالعمى مانقولها لشي واحد ، وزادو اترونو مني امشيت نعس اقبل منهم لانهم مولفين انا اللي كانبقى الاخير لانه ماعندي مايدار ، في الصباح فقت بكري طيبت اتاي وشي خيز وزيت العود ابغيت نفطر واخة باش اندوز الوقت الشهية مسدودة اصدقت امطيبو ليهم ناضو ماقداتهفرحة ماشي حقاش انا غادي نخدم لا ، لانهم صابو اتاي موجود والخبز اسخون طاحو عميين ، لبست احوايج اديال الخدمة
جا عندي السيد اللي غادي نخدم معاه مع السادسة والنصف اتصدمو كيفاش زعما هذا خينا مبغاتش تصرط ليهم المهم ماشي شغلي وكل واحد حياتو امشيت للخدمة ؛ اول يوم عمل بفيرونا في الفلاحة غادي انقش اشلاضة(الخس) بوحدي حوالي 8 هكتار ؛ بشوية اعليك مكاين اللي زاربك ومكاين اللي يقول ليك دير شي حاجة ؛ وصلني للخدمة وهو ساكن تم مبقايتش شفتو ؛ مرة انغني ومرة نسكت ومرة التفكير في جهة وانا في جهة، المهم داز النهار مزيان وظليت ناشط ، في المساء اتلقينا، كل واحد فيهم كايسول فيك بوحدو اشكون هداك اللي جا ليك في الصباح ؟اشكون شافو ليك ؟ اش من خدمة عندو ؟ واش كملتي ولا باقي ؟ بشحال درتي معاه للساعة ؟ موحال واش يخلصك ؟ يعني تحقيق بوليسي ، مايهمنيش اشغلهم هذاك انا معمرني سولتهم هاذ الاسئلة ؛ وزيدون مكاتهمنيش ماعندي حتى دخل بها ؛ كان هذفي فقط نخدم لكن الغالب الله حتى واحد ماعتابرك .
بالنسبة للخدمة ارتحيت الان نفسيا لا زلت اتذكر اليوم هو 24 غشت 2002…
كاول يوم عمل وليت حتى انا كنحس براسي اشوية عندي قيمة ، على اعتبار الناس اهنا وخاصة الايطاليين كايشوفك بحوايج الخدمة كايحتارموك كايشوفوك لابس مزيان كايحتاقروك ويقول هذا فقط كايدير شي حاجة ممامزياناش .
يتبع