وصفات طبيعية للعناية بالبشرة و التبييض بالصور

الوصفة الاولى :وصفة الكولاجين للوجه
واحد فرماجة
و قطرات من عصير المندرين او برتقال او طرف صغير من كيوي
انا كنزيد معاهم قبصة من الخرقوم البلدي اختياري
كتخلطيهم و يتوضع 20 د و يتغسل
الوصفة الثانية :هي هاذ الصابون المبيض و المنظف انا كنستعمله كمزيل المكياج
المكونات
حكي صابونة دوف و زيدي عليها ما زهر و خلطي مزيان حتى يولي كريمي و زيدي عليه قطرات من زيت اساس خزامى ان امكن او بلاش و 2 معالق من كل واحد من هادوا :
طين ابيض
نيدو
نشا
و خلطي و من بعد زيدي ما زهر حتى توصلي للخليط الكريمي
ديريه في قرعة زجاج و في الثلاجة ممكن تستعمليه كمنظف او قناع تغسليه مباشرة او تخليه شوية و ديه معاك للحمام ستعمليه على وجهك وجسمك كله
هانا خديت منه شوية زدت معاه شوية خوقوم بلدي ههه مضروبة عليه
الوصفة الثالثة و الاخيرة :
هي الصقلة المبيضة و تصلاح للمعكزات فحالي خلطي كلشي و ديريه في قرعة و خودي قياسك منه
المكونات
نفس الكمية من :
الروز مطحون
نيدو
حمص
خرطال
شعير
ممكن لوز
نشا
و كمية قليلة من الحلبة
خلطيهم و غربليهم و ديريهم في قرعة
ملي تبغي تستعمليها خودي شوية من الخليط زيدي عليه قرصة من عكر فاسي و خرقوم بلدي هادو اختياريين
زيدي اما الما او الحليب او ياغورت مسوس او كريم فريش
بقاي بيه 20 د وغسليه
نوصيكم على الترطيب كل ليلة بكريم او زيت كيما كان و لو زيت بلدية
كنتمنى ما نكونش طولت عليكم ما تبخلوش بدعواتكم