الفنانة سميرة تحكي عن الحوار الذي دار بينها وبين الملك محمد السادس بحضور زوجها

كتب سفيان البحري تعليقا على صورة للملك محمد السادس مع الفنانة سميرة بلحاج وزوجها بشارع الزرقطوني بمدينة الدار البيضاء.
: "في اتصال للفنانة المغربية المتألقة سميرة بلحاج بمدير صفحة الملك محمد السادس، سفيان البحري، أخبرتنا: « كنت أنا وزوجي سامر فالسيارة وبان لينا الشارع فيه البوليس وعلى غير طبيعته وهو يقول ليا سامر، واقيلا سيدنا غادي يدوز من هنا، ماكاملاش خمس دقائق حتى كان حدانا، وأنا نقول لو الله يبارك فعمر سيدي".
و أضافت الفنانة المغربية في اتصال مع سفيان البحري: " بقينا غاديين معاه فالطريق وكانتكلمو، قلت لو أنا الفنانة سميرة بلحاج ومن بعد وقّف سيدنا سيارتو، هبطنا عندو وهو يسولني شنو كاتغني؟ قلت لو أنا صاحبة أغنية واعرة بلادي. تبسم وقال لي تبارك الله عليك، كلامو كان حنين ماتخيّلش الإحساس اللي حسيتو ".
زوجي قال ليه: أنا فرحان بزاف أول مرة نشوفك مباشرة، وسيدنا لاحظ اختلاف اللهجة ديال سامر وسول على الجنسية ديالو وقلنا لو لبناني و أخبرت الفنانة المغربية سميرة بلحاج سفيان البحري: « قلت لو عندي جوج بنيتات، وريتو صورة بنتي فالبورطابل، قال ليا شحال عندها – خصّك تشوف الحنان للي كان فصوتو وهو كايسوّل على عمر بنتي، حنان مافحالو حنان – قلت لو عندها 7 سنين والثانية يلاّه ولدتها هادي 15 يوم،... خدينا صورة تذكارية مع ملكنا وشفت أحسن شخص فالعالم بطيبتو وقلبو الكبير……".