العفن جا ومشى التغيير

شافت عيني اليوم لازم نهضر
تابعني لقبر ما عندي مانخسر
ما طامع معندي فيلا ولا قصر
الخيالة بالخيول غبن الشر
اقبر وحنا ولاد الخيالة وارثين الفقر
وحقنا بيه قياد الاستعمار تظفر
تقنا و كلفناه يدوي بصوتنا يعبر
خونا نسا لميمة نسا يام الصغر
تحمم بصابون التهريب اوعكر
لبسوه ماصك وجهو ما يظهر
تايه بين الغنايم يتباها او يفخر
حلب الكبير على الصغير يحكر
للدنيا اللي دخل يخرج تابعنا لقبر
راه الحق رحيق الشربو يفخر
لغدر طريق الساكو دبا يعثر
يوم لحساب حاي لازم يهضر
ما اقترف بلسانو يتفضح السر ..........
ياولد الخالة اشراك تدير
سير بلمهل سير كالوها صحااب السير
انت عندك اصل غلى من لحرام الكثير
لاتردم الرحيم نت راعي حكم الضمير
قوتك البارح البينة بايتة وخبز الشعير
اليوم خرفان مشوية البصطيلة والدسير
فرشتي الزرابي ونسيتي ايام الحصير
نسيتي الفوقية لحتيها ولبستس تشامير
شهرتي فلسواق السمية وهزتي بندير
تقلد الكبيرو برجلك تزطم عل الصغير
درستنا وحدة بالرجال والخيول خير
ردتوها در اسي و لكاعتنا جبتوا الحمير
انت غير دجاجة مقرقة على بيض الغير
ما ليها كبدة ما تحن ما يكون ليها ضمير
من سعدك يا باز بالفراخ تحلق وتطير
ردمتي الرحيم رونتي و عفنتي شلا غدير
حيرتني انت شجرة واكفة لا غير
مزال توكح العين مزال يهدا الخرير
تتعرى بلوراق فالسما الريح اطير
ولغصان تجف يتشها الحطاب النشير
تكدى النار تزند ازيد الكانون زهير
حقي بومديان