الركراكي: لقجع راجل مزيان عطى للكرة المغربية.. واللي كيمس به كيمس بينا

عبر الناخب الوطني وليد الركراكي على التضامن ديالو والمساندة لفوزي لقجع رئيس الجامعة الملكية المغربية لكرة القدم، ضد الحملة اللي ضدو هذه الأيام على مواقع التواصل الاجتماعي.
وقال وليد الركراكي فالندوة الصحافية اللي اعلن فيها على لائحة المنتخب المغربي لمواجهة البرازيل والبيرو: "كنشكر فوزي لقجع راني كنخدم معه وكنشوف الخدمة اللي كيدير والشغف اللي عندو للكرة المغربية".
وكمل وقال: "هاد شي اللي وقع مع فوزي لقجع ما عجبنيش حيث ملي كتمس رئيس الجامعة الملكية المغربية لكرة القدم بحال كتمس المنتخب الوطني المغربي وكتمس الدورة المغربية، الانتقادات أي واحد كيتقبلها ولقجع راه كيتقبل الانتقادات بشكل إيجابي ولكن ما مقبولاش توصل للسب والمعيار".
وأكد وليد الركراكي: "لقجع أعطى بزاف للكرة المغربية، التيرانات تطورت والنيفو ديال للمنتخبات والفرق كتنافس فلافريك شوفو الوداد والرجاء وبركان، وأنا والطاقم التقني ديالي فالمنتخب متضامنين مع فوزي لقجع".