رسميا.. عبد الهادي السكتيوي هو المدرب الجديد لحسنية أكادير

صبح الإطار الوطني عبد الهادي السكتيوي هو المدرب الجديد لفريق حسنية أكادير، فبلاصت المدرب البرازيلي ماركوس باكيتا اللي تم الانفصال عنه.
وكيفما كشف موقع "كود" فوقت سابق، راه وصلت إدارة شركة حسنية أكادير لاتفاق مع المدرب عبد الهادي السكتيوي، باش يرجع يدرب الفريق، ولكن من بعد مفاوضات ما كانتش ساهلة وتم الاعتذار له على الطريقة اللي انفصل بها الفريق عليه فالتجربة السابقة.
اليوم فالعشية غيتم تقديم عبد الهادي السكتيوي لوسائل الإعلام من طرف حسنية أكادير كمدرب جديد، وغايبدا الخدمة ديالو فتدريب غزالة سوس ابتداء من غدا الخميس.