سكوب.. هادي هوية ابرز موقوف من الربعة ديال السعيدية واللي تقدر تكون عندهم علاقة بالبوليسي المحروگ

هادي تفاصيل جديدة وحصرية جابتها "گود" على واحد من ابرز الموقوفين فالسعيدية لبارح، لي طيحتهم الفرقة الوطنية للشرطة القضائية بتعاون مع المخابرات الداخلية ،وجايتهم فنص الليل لمقرها فابراهيم الروداني بحراسة أمنية مشددة.
وحسب المصادر ديال "گود "،فإن واحد منهم بارون معرف ملقب بالريفي وروشيرشي ب60 مذكرة بحث وطنية صادرة في حقه بموجب مساطر مرجعية فجريمة الاتجار في المخدرات بمنطقة مديونة ،بحيت تم تفتيش الدار ديالو في نواحي كازا ولقاو فيها جوج طومبيلات فيهم أثر الكيف ، وعاودو رجعوهم لمقر الفرقة الوطنية للشرطة القضائية بالدار البيضاء باش يوسعو التحقيق فقضية مقتل ومحرق البوليسي ديال الرحمة .
المصدر تيضيف ،ان مزال العناصر الامنية دايرا ابحاث تقنية نواحي كازابلانكا باش افكو طلاسيم هذه الجريمة النكراء او لبينا التحقيقات انهم نفذو جريمتهم باحترافية وذكاء ،مضيف ان الجناة كاينين اكثر من أربعة اودبا راهم خدامين العناصر الأمنية بالليل والنهار باش يطيحوهم فاقرب وقت.