المحامية المزورة فكازا صيفطها وكيل الملك فحالة اعتقال لعند لاپيجي تحقق معها فتهمة انتحال الصفة

فجديد ملف المحامية ديال كازا لي حصلات لبارح الاثنين منتاحلة الصفة، وكيل الملك فالمحكمة الابتدائية المدنية ديال الدار البيضاء قرر وضعها تحت تدابير الحراسة النظرية.
وقال مصدر ل"گود" إن تهمة انتحال الصفة ديال مهنة كينظمها القانون ثابتة فحقها، وبللي البوليس غادي يكمل التحقيق ويشوفو واش يوصلو لضحايا ولالا، وممكن حسب المصدر ذاتو، أنها تتحال على قاضي التحقيق بالمحكمة الابتدائية الزجرية ديال عين السبع.
كاينين محاميين غاضبين وقالوا أنهم مغادينش يتزاگلو معها وكاين فيهم ليغادي ينصب راسو طرف مدني فهاد الفيلم.