البوليس قرقبو على ولد شاروخان بسباب الزطلة والكوكايين

بدات البارح الإثنين محاكمة "آريان" الولد الكبير ديال النجم العالمي شاروخان بعدما شدوه البوليس مع 7 دراري آخرين في قضية ديال الحشيش.
ولد الممثل كان هو وصحابو دايرين حفلة وسط باطو وماكين غير النشاط والحشيش وهادشي خلا مكتب مكافحة المخدرات يتدخل وقرقب عليهم كاملين.
البوليس لقاو 13 كَرام ديال الكوكايين و22 حبة ديال القرقوبي ومواد مخدرة أخرى خطيرة.
محامي آريان طلب من المحكمة يخرجوه بكفالة لأنه كان غير ضيف معروض وماعندو علاقة بالحشيش وداكشي اللي لقاو في الباطو.
دابا المحكمة كتسنى نتائج الفحص باش يشوفو واش استهلك الحشيش أو لا.