ها حكم ماتش الرجاء والمحمدية

صبح الجدل ديما كيرافق تعيين حكام ليماتش ديال البطولة الاحترافية لكرة القدم، ومن بينهم مباراة الرجاء الرياضي وشباب المحمدية اليوم السبت فستاد دونور بكازا عن الجولة 19، واللي كل شي كينتظر يشوف أداء حكامها.
واختارت المديرية المركزية للتحكيم لقيادة ماتش الرجاء وشباب المحمدية واللي غيبدا هذه العشية مع 6 وربع الحكم سمير الكزاز، أمام فرقة الحكم المساعد بالفيديو "var" غيكون فيها الداكي الرداد.
الماتش ما بين الرجاء الرياضي وشباب المحمدية مهم بزاف وخصوصا للفريق الأخضر، والتحكيم من بين النقاط اللي غيكون مسلط عليه الضو فالمباراة خاصة من بعد الجدل حول مستوى الحكام اللي قادوا ليماتش ديال الخضرا مؤخرا.