جماهير الرجاء غاضبة على قناة الرياضية

خلقت قناة الرياضية المغربية مرة أخرى الجدل وهادشي فماتش الرجاء الرياضي واتحاد طنجة عن الجولة 11 من منافسات البطولة الاحترافية لكرة القدم، وهو الماتش اللي تلعب البارح فستاد دونور ونقلاتو القناة ولكن الطريقة أغضبت جماهير الخضرا.
وتقلقو المشجعين ديال الرجاء الرياضي اللي تفرجو فماتش فريقهم أمام اتحاد طنجة على قناة الرياضية، بسبب طريقة نقل المبارة والصوت وتشكاو منها على مواقع التواصل الاجتماعي، وحسبهم فصوت جمهور الرجاء اللي كان كيغني ويشجع فتيران ما كانش مسموع مزيان وكان منخفض بزفاف بالمقارنة مع صوت جمهور اتحاد طنجة بالرغم من أن جمهور الرجاء كان أكثر من الطنجاويين فدونور وبالألاف.
وهادي ماشي أول مرة كيتشكى فيها جمهور الرجاء الرياضي من قضية الصوت أو من النقل ديال ماتشات الخضرا على قناة الرياضية حيث سبق له هادشي فأكثر من مرة، وماشي غير هو ولكن جماهير أخرى حتى هي تشكات من نفس القضية بخصوص ليماتش ديال فرقها جمهور الوداد الرياضي اللي حتى غضب شحال من مرة من قناة الرياضية حيث ما عجبوش النقل ديال مباريات فريقها.