ليفار ربحو فيوتشر المصري وعززو صدارتهم فكأس الكاف

ربح فريق الجيش الملكي الماتش ديالو الثاني فليكروب بكأس الكونفدرالية الإفريقية من بعدما فاز المساء اليوم الأحد فتيران مولاي عبد الله بالرباط، على فيوتشر المصري فالجولة الثالثة.
ونجح فريق الجيش الملكي فحسم نتيجة الماتش أمام فريق فيوتشر المصري بنتيجة 2 أهداف لزيرو، وهما الهدفين اللي ماركاه ليه كل من حمزة إكمان فالدقيقة 31 من زمن المواجهة ولامين دياكيتي فالدقيقة 90.
فريق الجيش الملكي ومن بعد هذا الرباح عزز صدارتو لكروب 3 وعندو دابا 7 النقاط من 3 الماتشات لعبهم، متبوع بفريق بيراميدز المصري اللي عندو 5 النقاط، وفيوتشر المصري بالمركز الثالث وعندو 2 نقاط، ثم فريق اسكو كارا من التوكو فالمركز الأخير بنقطة.