ها لاليست ديال الوداد ضد بيترو أتليتيكو فالعصبة

حدد التونسي المهدي النفتي مدرب الوداد الرياضي اللاعبين اللي غيكونو حاضرين فماتش الفريق ضد بيترو أتلتيكو الأنكولي اليوم الجمعة فستاد دونور بكازا، فالجولة 3 من ليكروب ديال عصبة أبطال إفريقيا.
وقرر النفتي يعتمد على لائحة ودادية مكونة من التكناوتي، حنين، العملود، الندراني، فرحان، أبو الفتح، زولا، عطية الله، داودي، حيمود، جبران، باعوش، الحسوني، إ.المترجي، أوك، أوناجم، بوسفيان، بوهرة، لامكيل زي، صامبو.
وكيغيب على الوداد الرياضي ضد بيترو أتلتيكو، كل من رضا الجعدي، وحميد أحداد، والحسين بنعيادة بسبب الإصابة، وزهير المترجي اللي مازال ما واجدش، مؤيد اللافي لاختيارات المدرب، وحمزة ايت علال اللي موقف من إدارة النادي بقرار تأديبي.