منع جماهير الرجاء والوداد من الجلوس فالزون 6 بدونور حفاظا على سلامتهم حيت كتزعزع

غيتمنع على الجماهير الولوج إلى المنطقة 6 فتيران المركب الرياضي محمد الخامس بالدار البيضاء ابتداء من ماتش اليوم الأربعاء بين الرجاء الرياضي واتحاد التواركة حيث بانت عليه شي هزات مؤخرا.
وقررت السلطات تمنع جلوس الجماهير فزون 6، حتى تسالي الخبرة اللي كتقوم بها شركة كازا إيفنت على هاد المدرجات اللي كاينة ما بين "الدار" و "فريميجة" أو "كراسا حمرين" كيف كيلقبوها بيضاوى.
وكانت الجماهير ديال الرجاء والوداد حسات مؤخرا، بشي حركة ما شي عادية ملي كيبدا الجمهور يبوجي فالمنطقة 6 من ستاد دونور ماشي طبيعية فحال ديما، وهادشي جعل الشركة المكلفة بتدبير التيران تخضع المنطقة وهاد المدرجات للخبرة حفاظا على سلامة الجماهير.