عصبة أبطال إفريقيا.. الوداد خسرت الماتش ضد القبائل

سالا الماتش ما بين الوداد الرياضي والمضيف ديالو شبيبة القبائل الجزائري فتيران 5 جويلية بالعاصمة الجزائرية اليوم الجمعة بنتيجة واحد لزيرو لمصلحة الفريق القبايلي فالجولة 2 من ليكروب ديال عصبة أبطال إفريقيا، وهاد الماتش تلعب خارج تيزي وزو عاصمة القبائل.
الماتش ما بين الوداد الرياضي وشبيبة القبائل كان المستوى فيه متوسط بزاف، والتيران ما عاونش اللاعبين ديال الحمرا حيث مكرفص وحالتو حالة، بالإضافة إلى التدخلات الخشنة ديال اللاعبين القبايليين وهادشي راه تسبب فإصابة رضى المهدي اللي ما قدرش يكمل الماتش وخرج فالجولة الأولى، أما القبايليين قدرو يستغلو ركنية فاللاحظات الأخيرة من الماتش برئسية بدر الدين سويدة، وانتفض بعدها الوداد وكانت شكوك فضربة جزاء ولكن الحكم ما عطاهاش للحمرا وسالا الماتش.
الوداد الرياضي واخا هاد الهزيمة مازال عندو ماتش مؤجل باش يعوض، أما شبيبة القبائل من بعد هذه النتيجة فعندو 4 النقاط دابا.