واش الجزائر ما فيهاش مسؤول بعقلو؟. الكابرانات كيستفزو الوداد بتأخير رفع العلم المغربي

كتواصل الحمقات ديالو المسؤولين الجزائريين وحساسبتهم من كل ما هو مغربي، ومرة بداو كيحاولو يستفزو الوداد الرياضي ممثل الكرة المغربية قبل بساعات من الماتش ديالو ضد فريق شبيبة القبائل بالجزائر.
المسؤولين الجزائريين فتيران 5 جويلية بالجزائر، وحسب صور ديال وسائل إعلام جزائرية، علقو الضرابو ديال بلادهم وديال الكاف ولكن مازال ما رفعوش العلم المغربي وكيحاولو يتسفزو البعثة ديال الوداد الرياضي بهاد الأفعال الصبيانية، ويعطلو رفع الضرابو ديالو المغرب بس يؤثرو على معنويات الفريق المغربي قبل الماتش.
وكتعرض بعثة الوداد الرياضي ملي وصلات لمطار الجزائر للاستفزاز والمضايقات، وبدات السلطات الجزائرية الحماقات ديالها بحجز معدات التصوير الخاصة بالطاقم العالمي للنادي المغربي وتخصيص حافلة قديمة لنقل الفريق.