المنخرطين ديال الرجاء بداو كيتحركو للدفاع عن حقوق الفريق بعد عجز البدراوي

دخلو المنخرطين ديال الرجاء الرياضي على الخط فعدد من الملفات اللي تبين أن رئيس النادي عزيز البدراوي والمكتب المديري ديالو عجزوا أنهم يلقاو لها حل، ودابا برلمان الخضرا باغي يدافع على حقوق الفريق.
وكشف مصدر جيد الاطلاع، أن البرلمان ديال الرجاء الرياضي غيبدا يتحرك باش يلقى حلول للمشاكل اللي كتواجه الفريق والقضايا اللي كتعرقل المسار ديالو، ومازال ما تلقاش لها حل وعندو انتقادات وملاحظات على طريقة تسيير البدراوي واللي ما عاجباش بزاف المنخرطين بالنادي.
المنخرطين ديال الرجاء الرياضي غيعقدو اليوم الخميس اجتماع ما بينهم بهدف تسليط الضوء على الملفات العالقة، وفمقدتها قضية الاعتراض على اللاعب سليمان العمراني وأولمبيك آسفي وورقة التحكيم الإلكترونية، وأيضا قضية بطولة سوبر ليك الأفريقي حيث الفريق صبح مهدد بالاستعداد من المشاركة فيها.