البرازيل ما عندهاش مدرب وها شكون غيدربها فالماتش ضد المغرب

حدد الإتحاد البرازيلي لكرة القدم المدرب اللي غيشرف على قيادة المنتخب البرازيلي فالماتش أميكال ضد المغرب، فشهر مارس الجاي فتيران طنجة الكبير.
وقرر الإتحاد البرازيلي يكلف مدرب منتخب البرازيل لأقل من 20 عام، رامون مينيزيس بتدريب المنتخب البرازيلي فالماتش أميكال مع المنتخب الوطني المغربي، حيث مازال منتخب البرازيل ما عندوش مدرب منذ نهاية كأس العالم 2022.
وغيلعب المنتخب الوطني المغربي مع منتخب البرازيل نهار 25 مارس الجاي، فماتش أميكال بتيران طنجة الكبير وغيكون اللقاء فرصة بالنسبة للناخب الوطني وليد الركراكي باش يعرف جاهزية اللاعبين للاستحقاقات المقبلة، وأيضا فرصة للجماهير المغربي باش تلقى مع ليكيب ناسيونال لاول مرة من بعد إنجاز مونديال قطر.