العدالة البلجيكية طلبات فرنسا تعتقل مسؤولين مغاربة تجبدو فقضية "قطر غيث".. رئيس اللجنة البرلمانية المشتركة بين المغرب والاتحاد الأوروبي ل"كود": مفهمتش علاش طلبو من فرنسا يعتقلو المغاربة ومطلبوش من سلطات بلادي

قال لحسن لحداد، رئيس اللجنة البرلمانية المشتركة بين المغرب والاتحاد الأوروبي، بأنه لا يتوفر على معطيات بخصوص ما نشرته جريدة لوفيغارو الفرنسية حول اصدار القضاء البلجيكي لمذكرات للسلطات الفرنسية من أجل اعتقال مسؤولين مغاربة.
وقال حداد ل"كود" :" معرفتش شنو كيقصدو"، مضيفا :"اللي مافهمتش كيفاش القضاء البلجيكي يطلب من فرنسا اعتقال مسؤولين مغاربة، لماذا لم يطلب ذلك من المغرب المعني؟.
وكانت العدالة البلجيكية صدرات مذكرات اعتقال فحق بزاف ديال المسؤولين مغاربة للسطات الفرنسية، على هامش التحقيق ففضيحة الفساد فالبرلمان الاوروبي واللي مجبودين فيها قطر والمغرب.
وقال موقع "لوفيگارو" الفرنسي، ان مصدر ديبلوماسي صرحلهم: حنا مخربقين، هاد الناس عندهم ولادهم كيقراو عندنا ففرنسا، وماباغيينش نعتاقلوهم فاش ينزلو فالمطارا باش يشوفوهم.
هادشي غايكون عندو تأثير خايب خاصة وان ايمانويل ماكرون غادي يزور المغرب قريبا.
وكيحقق الادعاء البلجيكي فاتهامات بالكسب غير المشروع فالبرلمان الاوروبي عندها علاقة بقطر والمغرب.