خاص. بالصورة: الداعشي اللي هجم على فرنسا وقتل 3 واخا تزاد عندنا عندو الجنسية الفرنسية وهادي 6 سنين زار مراكش كسائح

علمت “كود” من مصادر مطلعة ان الداعشي كريم لقديم اللي احتجز رهائن هاد الصباح بسوبر ماركيت بتريب وقتل لحد الان وفق “لوفيگارو” 3 واخا تولد فالمغرب ولكن ما بينو وبين هاد البلاد الا الخير والاحسان.
هاد الداعشي حقاش “داعش” تنبات العملية وقالت انه جند من جنودها٬ عندو 26 عام وهادي 6 سنين ما زار المغرب. مصدر “كود” اكد ان “هاد الزيارة جاها لفترة قصيرة دوزها فمراكش”. السيد جا بحالو بحال السياح الفرنسيين يفوج.
هاد السيد اصولو من مدينة تازة. عندو الجنسية الفرنسية وما كيربطو بوالو مع بلاد والديه. تطرفو وراديكاليتو كلها خداها فالجمهورية الفرنسية.