زياش ساهم برباح تشيلسي على كريستال بالاس

ساهم الدولي المغربي حكيم زياش بقيادة فريقو تشيلسي لتحقيق الفوز على كريستال بالاس اليوم الأحد، فالجولة 20 من منافسات الدوري الننكليزي الممتاز.
وكان حكيم زياش أبرز لاعب فتشيلسي ضد كريستال بالاس، وعطى اسيست ديال هدف الفريق بتمريرة حاسمة لصاحبو كاي هافيرتز فالدقيقة 64، قبل ما يخرج فالدقيقة 89.
ورجع تشيلسي من بعد هاد الرباح لسكة النتائج الإيجابية، ورفع الرصيد ديالو إلى 28 نقطة وكيحتل المركز 10، فالوقت اللي كيزيد يتأكد المغربي زياش أن المشكل فالمنظومة ديال تشيلسي ماشي فيه، خصوصا من بعدما تألق مع المنتخب المغربي فمونديال قطر 2022.