اش غاديين نديرو بمتطرف بحالو. "الامام" ايكويسن وصل لكازا اليوم بعد ما طرداتو بروكسيل

قالت وزير الدولة المكلفة باللجوء والهجرة البلجيكية نيكول دو مور ان الامام المتطرف حسن ايكويسن ترحل للمغرب اليوم الجمعة. هاد الامام كان هرب من فرانسا اللي تزاد فيها بعد قرار طردو٬ ومشى لبلجيكا. عطاتو هاد الدولة اقامة قبل ما تقرر عدم تجديدها.
وكان حطوه فمركز من نونبر حقاش ما عندوش رخصة يبقى فهاد الدولة
وحسب السلطات البلجيكية فان السلطات المغربية عطاتو "ليسي پاسي" البارح لخميس 12 يناير 2023 باش يترحل فطيارة من بروكسيل فاتجاه الدار البيضاء اليوم وشكرات فرانسا على "التعاون المزيان" وقالت فبيان ليها"ما يمكنش نسمحو لمتطرف يتجول فبلادنا. اي واحد ما عندوش الحق يكون هنا نرحلوه".

وكانت مذكرة توقيف أوروبية صادرة عن فرنسا، كتلاحقو بتهمة "التهرب من تنفيذ قرار بالترحيل"، بعد أن قضت محكمة فرنسية بحكم الترحيل ضده بسبب تصريحات اعتبرت "مخالفة لقيم الجمهورية".
رابط المقال ف"لوسوار" البلجيكية