الجامعة غتدقق فكل كبيرة وصغيرة مع الفرق الممنوعة من الانتدابات فالميركاتو

من المنتظر تحسم الجامعة الملكية المغربية لكرة القدم فمصير الفرق الوطنية اللي عليها نزاعات وباغيا تعزز صفوفها بلاعبين جداد فالانتقالات الشتوية اللي بدأت اليوم الثلاثاء، وهادشي من بعدما علنت العصبة الوطنية الاحترافية لكرة القدم الوطنية على المعايير والشروط اللي خاص تلتزم بها الأندية مقابل أنها تقوم بانتدابات جديدة.
وكشف مصدر مطلع أن لجنة من الجامعة الملكية المغربية غادي تدرس الطلبات اللي غتقدم بها الفرق الممنوعة من الانتدابات، باش تعرف الوضعية المالية ديالها وأيضا، واش التزمت بشروط الجامعة مقابل رفع المنع باش تقدر تسني هاد الفرق مع لاعبين جداد خلال هذا الميركاتو.
وحددت الجامعة الملكية المغربية لكرة القدم والعصبة الوطنية مجموعة من الشروط من أجل السماح لأي فريق بالانتدابات في فترة الانتقالات وهي تصفية كل نزاعات الفريق تأدية جميع أجور ومنح اللاعبين قبل 31 دجنبر الجاري، وأيضا ضرورة إثبات الموارد المالية للنادي الى غاية نهاية الموسم.