وهبي أكد خبر "كود": ولدي لي نجح عندو جوج إجازات.. وباه لاباس عليه وقراه فالخارج

أكد عبد اللطيف وهبي، وزير العدل، الخبر اللي نشرات كود على نجاح ولدو فامتحان المحاماة.
وهبي كال، فحديث للصحافيين لبارح الاثنين، "ولدي عندو جوج الإجازات، وباه لاباس عليه وخلص عليه وقراه فالخارج".
واعتبر وهبي بلي ولدو مجتهد وكيقرا فالجامعة الدولية فالرباط.
ولد وهبي عندو جوج إجازات، منها إجازة فالإنجليزية من مونتريال، وكان كيسطاجي فمكتب الأب ديالو مدة 4 سنين تقريبا قبل ما يمشي يدوز هاد العام امتحان ولوج مهنة المحامة.
وقال وزير العدل، فتصريح للصحافة، على هامش لقاء تواصلي بمقر وزارته، بمناسبة انطلاق عملية تغذية الأشخاص المودعين رهن الحراسة النظرية والأحداث المحتفظ بهم، "ولدي قرا فكندا وعندو جوج إجازات وباه لاباس عليه وخلص عليه وقراه فالخاريج". وهاد التصريح راه صدم المغاربة ورجعوه سخرية.