هرب من الحبس 2020.. مافيوزي عندو دوبل ناسيوناليتي بلجيكي- مغربي تشد ف غينيا

قالت تقارير بلجيكية، أن مافيوزي عندو دوبل ناسيوناليتي بلجيكي – مغربي تشد ف غينيا، ليلة 16 – 17 دجنبر الحالي. شدوه البوليس الغيني بعد رصده من طرف الاستخبارات البلجيكية بهاذ الدولة الغينية، بعد هروبه من سجن سان جيل البلجيكي ف 2020.
هاذ المافيوزي كيبلغ من العمر 27 عام ومعروف عند العدالة البلجيكية وتمت إدانته 4 مرات بتهم ارتكاب عده هجمات مسلحة وتحكم عليه ب 21 عام ديال الحبس. وف عام كورونا قدر يهرب ودابا كيواجه طلب تسليم تقدم من طرف القضاء البلجيكي للسلطات الغينية.
وحسب بيان صحفي صادر عن الشرطة الفيدرالية، تجبدات سمية هاذ المافيوزي ف هجوم سطو مسلح على شاحنة مدرعة وقع في مايو 2021 شمال أمستردام. وتم القبض عليه من الشرطة الغينية في كوناكري ، بينما كان في طريقه إلى ملهى ليلي.