الوداد غادي يسافرو للرباط على تيساع استعدادا للكلاسيكو ضد ليفار

من المنتظر يوصل فريق الوداد الرياضي لمدينة الرباط غدا الثلاثاء، استعدادا لماتش الحمرا ضد فريق الجيش الملكي، واللي غادي يكون الخميس الجاي ضمن الجولة 9 من منافسات البطولة الاحترافية لكرة القدم.
وقرر الطاقم التقني الحالي للوداد الرياضي بقيادة كل من حسن بنعبيشة وعبد الإله صابر، يكون الفريق مرتاح فالتنقل ديالو إلى الرباط قبل ماتش الكالاسيكو ضد ليفار، ولو أن المسافة ما بين الكابيتال اللي غادي تحتضن المباراة قصيرة وما بعيداش بزاف على كازا مقر الفريق، وبالتالي فغادي يخوض الوداد حصة تدريبية غدا الثلاثاء فتيران بنجلون ويشد الطريق للعاصمة للإقامة بأحد الفنادق استعدادا للكالسيكو ضد الجيش الملكي قبل من 48 ساعة تقريبا على الانطلاقة ديالو.
وغادي يحل الوداد الرياضي ضيف على فريق الجيش الملكي فتيران المجمع الرياضي الأمير مولاي عبد بمدينة الرباط الخميس الجاي مع 4 لعشية، فكلاسيكو المغرب عن الجولة 9 من منافسات البطولة الاحترافية لكرة القدم، وغادي يكون الماتش قمة بامتياز للحمولة التاريخية ديالو بين الفريقين، وأيضا، حيث كلاهما يتصدر البطولة برصيد 18 نقطة والانتصار غادي يخلي الفائز ينفد بالمركز الأول على بعد 3 نقاط على الخاسر.