الركراكي: درنا جهدنا ضد فرنسا كنا بغينا نفرحو المغاربة ولكن ماكتابش وكنطلب منهم المسامحة

عبر الناخب الوطني وليد الركراكي على الحزن ديالو حيث حلم المنتخب الوطني المغربي فمونديال قطر 2022، توقف عند نصف نهائي البطولة من بعدما خسر مع فرنسا اليوم الأربعاء بنتيجة 2 لزيرو فتيران البيت وفشل فبلوغ الفينال، وطلب مساحة من المغاربة.
وقال وليد الركراكي فتصريح له من بعدما سالا الماتش ما بين المغرب وفرنسا وقال: "عطينا اللي فجهدنا حتى الدقيقة الأخيرة وكنا باغيين نتأهلو، حنا منتخب قوي كيعرف شنو كيدير كيتسنا وممكن تدير أخطأ وهادشي اللي وقع لنا فالأول ديال الماتش".
وزاد وليد الركراكي وقال: "ضيعنا بزاف ديال اللعابا بسبب الاصابات، وعطاو اللي فجهدهم فحال مزراوي وغانم سايس كنا نقدرو نماركيو قلبنا على هدف ولكن ما كتابش، والمهم هو كلشي الدراري عطاو اللي عندهم وكنطلب لمغاربة يسمحو لينا كنا بغينا نمشيو للفينال ونفرحوهم ولكن ما كتابش مرة أخرى إنشاء الله".