الركراكي للمغاربة قبل ساعات من الدومي فينال: غنعطيو اللي فجهدنا ديرو النية باش نتأهلو للفينال

أكد الناخب الوطني وليد الركراكي أن هو والمكونات ديال المنتخب الوطني المغربي من لاعبين وطاقم تقني غادي يتقاتلو فنصف نهائي كأس العالم قطر 2022، اليوم الأربعاء ضد فرنسا باش يربحو ويحققوا التأهل لفينال كوب ديموند باش يفرحو المغاربة.
ووجه وليد الركراكي رسالة الجمهور المغربي من خلال فيديو نشرو الإتحاد الدولي لكرة القدم منذ لحظات على مواقع التواصل الاجتماعي وقبل ساعات من الماتش ضد فرنسا وقال فيه: "حنا عارفين المغاربة غادي يكونو معنا سوا اللي حايين مسافرين لقطر أو اللي كاينين فالمغرب، غادي نعطيو جهدنا كامل فحال ديما وغادي نديرو النية وغادي يديرو النية معنا باش نديرو شي نتجية اللي تاهلنا للفينال".
وكيسعى وليد الركراكي واللعابا ديال المنتخب الوطني المغربي لمواصلة كتابة التاريخ والتأهل لنهائي كأس العالم قطر 2022، ويصبح أول منتخب إفريقي وعربي يبلغ هاد المرحلة، وكتسناه مع اليوم مع 8 الليل مباراة مصيرية ضد فرنسا فنصف النهائي والرباح فيها كيخليه يحقق هاد الحلم المغربي الإفريقي والعربي.