وليد الركراكي: عندنا بزاف د الإصابات وكلشي يقدر يلعب ضد فرنسا

كشف الناخب الوطني وليد الركراكي أن الطاقم الطبي ديال المنتخب الوطني المغربي خدام باش يوجد اللعابا لماتش نصف نهائي كأس العالم قطر 2022، ضد منتخب فرنسا غدا الأربعاء، وأن قرار شكون غادي يلعب أو اللي غادي يغيب مازال ما صدرش.
وقال وليد الركراكي فالندوة الصحافية قبل ماتش المغرب وفرنسا: "عندنا بزاف ديال الإصابات وهادشي كلشي عارفو ولكن كنحاولو دغيا نبراو، وعندنا طاقمي طبي فالمستوى وكل نهار كاينين حاجات إيجابية وأخبار ميزانية".
وواصل وليد الركراكي الحديث ديالو وقال: "وكنتسناو حتى اللحظات الأخيرة قبل الماتش باش نعرفو شكون غادي يلعب، ووللعابا كاملين يقدرو يكون واجدين للماتش، وحنا غادي نلعبو العناصر اللي جاهزة 100% فالماتش".