الفرنسي فاران: المغرب ما وصلش لدومي فينال بالصدفة وغنتحاربو معهم على الفينال

أكد المدافع الفرنسي رفاييل فاران أن الوصول ديال المنتخب الوطني المغربي إلى نصف نهائي كأس العالم قطر 2022، ما كانش صدفة. واعتبر الماتش ضد المغاربة فهاد الدور، الأربعاء المقبل، بمثابة حرب ونبه الفرنسيين للوقوع في فخ استصغار المنتخب المغربي.
وقال المدافع الفرنسي رافاييل فاران فتصريح له: "عندنا بزاف ديال الخبرة اللي تخلينا مانطيحوش فالفخ ديال المنتخب المغربي، والمغرب ما وصلش لهاد الدور بالصدفة، هو منتخب كيدافع مزيان وبدفاع مستميت والماتش ضدو غادي يكون قوي وصعيب".
وأكد اللعاب الفرنسي: "خاصنا حنا اللعابا الفرنسيين اللي عندهم الخبرة نوجدو صحابنا فالمنتخب الفرنسي لحرب جديدة (الماتش ضد المغرب) كرويا طبعا، وما خصناش نطيحو ففخ استسهال الخصم حيث هذا دومي فينال لاكوب ديموند وخاصك تعطي كل ما عندك وتقاتل حتى النهاية باش تاخد بلاصتك فالفينال".