مونديال2022: مشجع دخل للتيران يدافع على حقوق المثليين فقطر

عرف الماتش ما بين منتخب البرتغال الأوروكواي اليوم الأثنين، فالجولة الثانية من كأس العالم قطر 2022، اقتحام التيران من طرف شخص كيدافع على حقوق المثليين ودار جيست زوين بزاف فمونديال عامر هوموفوبيا.
وتفاجأ الجمهور الي كان كيتفرج فالتيران ملي وصلت الدقيقة 50 بتوقف الماتش حيث دخل جسم غريب لارض الملعب، وهاد الجسم غريب كان هو شخص هاز راية فيها شعار المثليين، واللقطة ما بانتش فالتلفزة حيث الفيفا كتمنع مرور الأجسام الغريبة فالشاشات الناقلة للماتشات.
وتوقف الماتش حتى تدخل أمن التيران اللي خرج الشخص اللي كيف قلنا دار جيست عندو رمزية كبيرة، حيت الإتحاد الدولي لكرة القدم منع تدخل الرموز ديال المثلية الجنسية للتيرانات فكأس العالم 2022، وحيث قطر كتجرم المثلية الجنسية.