كيهم المغاربة.. كرواتيا سالات الشوط الأول رابحة كندا

سالا الشوط الأول ما بين كرواتيا وكندا الخصوم ديال المغرب فالمجموعة 6 من كأس العالم قطر 2022، بتفوق الكرواتيين بنتيجة 2 لواحد.
كندا كانت هي الأول اللي ماركات بهدف ديال نجمها أفونسو ديفيز فالدقيقة 2، ولكن قدرت كرواتيا ترجع وماركات 2 لبيوتا فالدقيقة 36 بواسطة اندريك كراماريتش، وفالدقيقة 44 بواسطة ماركو ليفايا.
وفحالة سالا الماتش اللي مازال فيه شوط ثاني، بانتصار كرواتيا فغادي تطلع حتى هي للصدارة مع المغرب فالمجموعة 6 برصيد 4 النقاط مع امتياز المغاربة إلى حدود دابا، حيث الكرواتيين تماركا عليهم بيت أما فحالة ماركاو هدف آخر فغادي ينفردو بالصدارة، وغادي تبقى بلجيكا عندها 3 النقاط، وكندا الخصم الجاي ديال المغرب غادي تكون عندها 0 نقطة.