قطر خسرات مع السنغال وتقصات من كأس العالم اللي منظماه فتيرناتها

ودعت قطر منظمة كأس العالم 2022، البطولة من بعدما خسرات اليوم الجمعة، فالجولة الثالثة مع منتخب السنغال.
وخسر المنتخب القطري مع السنغال بنتيجة 3 لبيوتا مقابل واحد، وماركا أهداف السنغاليين كل بولاي ديا فالدقيقة 41، وفامارا دبيدهيو فالدقيقة 48، وقلص النتيجة للقطريين محمد مونتاري فالدقيقة 78 وهو أول بيت ديال قطر فتاريخها فكأس العالم، ورجعو السنغال ماركاو البيت الثالث فالدقيقة 84 عن بامبا ديانك.
وبهاد النتيجة ودعت قطر كأس العالم اللي منظمها فتيرانتها وعندها 0 نقطة وكتحتل المركز الأخير فالكروب 1 ، أما السنغال فنعشت الحظوظ ديالها فالتأهل للدور الثاني وهي دابا مع هولندا والاكوادور فالمركز الأول، فانتظار تعرف نتيجة الماتش ديالهم اللي غادي يلعبوه هاد العشية.