الرجاء عرضو عليها تشارك فدوري برا المغرب

توصل الرجاء الرياضي بدعوة للمشاركة فدوري ودي فالإمارات، وذلك بالتزامن مع توقف منافسات البطولة الاحترافية لكرة القدم، حيث المنتخب الوطني المغربي غادي يلعب فكأس العالم المقبلة فقطر.
وحسب مصدر مطلع فتوصلت إدارة الرجاء الرياضي بعرض باش تشارك الفرقة فدوري ودي إعدادي فالإمارات فالأيام اللي جايا، وغادي يكون مشارك فيه العين الاماراتي والأهلي المصري.
ومازال إدارة الرجاء الرياضي ما حسمتش فقبول الدعوة أو الاعتذار للاماراتيين، حتى تشاور مع الطاقم التقني ديال الفرقة بقيادة المدرب منذر الكبير حيث هو اللي غادي يقرر واش الفرقة تدرب فمعسكر هنا فالمغرب أو تمشي تدرب فالامارات وتشارك فالدوري الودي الاماراتي.