السهل الممتنع.. دريم آرتيست عطات للفنانين تحدي خاص يكون حاضر فيه أتاي والحواس الخمس

غادي يتم اليوم الاثنين عرض البرايم السادس من برنامج دريم آرتيست، البرنامج الجديد لي كيجمع الفنانين والموهوبين لي كيقدمو أحسن ما عندهم.
الموضوع ديال اليوم هو أتاي والحواس الخمس، والفنانين 6 لي وصلو لربع نهائي البرنامج خاصهم يصاوبو عمل فني بعيد على الصناعة ويبينو أحسن ما عندهم.
الضغط زاد كبر على الفنانين لان الموضوع قدما هو ساهل لكن صعيب وهادشي لي عبرو عليه في الفيديوهات لي تم نشرها على الصفحة الرسمية ديال البرنامج.
هاد البرايم مهم بزاف حيت البروجيات لي غادي يقنعو لجنة التحكيم غادي يدوزو نيشان للنصف النهائي.
وكيف كل حلقة كيكون فنان ضيف لي كيجي باش ينقص ستريس على الفنانين ويدوزو وقيتة زوينة، ونجم اليوم هو المهدي موزايين.
https://www.instagram.com/p/Ckis_atKhE2/