في عيد ميلاد شاروخان 57.. الآلاف من المعجبين تجمعو قدام دارو باش يتصورو معاه كالعادة

كالعادة وبمناسبة عيد ميلادو، الآلاف ديال المعجبين تجمعو قدام الدار ديال نجم بوليود شاروخان باش يتلاقاوه مباشرة ويتصورو معاه.
شاروخان لي كيحتفل بعيد ميلادو 57 خرج للبالكون ديال دارو وتصور وخدا سيلفي مع عرام ديال البشر لي تجمعو ليه حدا الباب بحال كل عام.
شاروخان شارك تصاور على حسابو في الأنستكَرام وكتب عليهم أنه فرحان بالبحر ديال الحب لي كيجي عندو كل عام، ويخليه يحس أنه إنسان مميز.
شاروخان خرج باش يحيي الجمهور لي جا عندو جوج مرات، المرة الأولى في الصباح والمرة الثانية في لعشية مني تجمعو الناس أكثر.
وكيتعتبر شاروخان من أشهر النجوم ديال بوليود، هادشي لي خلا الجمهور ديالو يحرص على زيارتو كل عيد ميلادو.
https://www.instagram.com/p/CkdWaNRo1OF/?utm_source=ig_embed&ig_rid=5fb9ef6f-6a34-4d9a-8fb7-3d53bdc79535&ig_mid=4B2E3F0A-85FD-4958-B014-987FD87B0D2F