ويل سميث فطنجة.. حضر لعرس المخرج المغربي-البلجيكي عادل العربي – تصاور

الممثل المريكاني ويل سميث جا للمغرب باش يحضر لعرس فطنجة، ديال صاحبو المخرج المغربي-البلجيكي عادل العربي.
واحتفل المخرج المغربي العربي بزواجو من الصحفية المغربية-الألمانية لبنى خلخلي، فعرس كبير داروه فطنجة بحضور عدد من النجوم على راسهم الفنان الأمريكي ويل سميث.
وبارطاجا عادل العربي مع متابعين ديالو على"إنستگرام"، تصاور من العرس، فيهم هو ومراتو وويل سميت والمخرج المغربي-البلجيكي فلاح بلال.
وعلق على التصاو:" شكرا ليك خويا ويل لحضور عرسي المغربي الساحر، حنا فرحانين بزاف لاستقبالك كضيف شرف".
للاشارة، عادل العربي وبلال فلاح، هما اللي خرجو الفيلم المريكاني الشهير "Bad Boys for life"، اللي من بطولة ويل سميث ومارتن لورنس.
https://www.instagram.com/p/Cgof49DMu6m/?utm_source=ig_embed&ig_rid=b013f806-99bd-4dd0-9f60-49935d363ad4&ig_mid=45CBAD6F-4066-43E3-93C2-E945DA367F72