رونار: المغرب عزيز عليا وغادي يتأهل فكأس العالم

توقع الفرنسي هيرفي رونار الناخب الوطني السابق والمدرب الحالي ديال السعودي، يتأهل المنتخب الوطني المغربي للدور الثاني من منافسات كأس العالم قطر 2022.
هيرفي رونار وفحوار له مع قناة الكاس القطرية قال الرأي ديالو فالمجموعة 6 من كأس العالم، وكيتوقع تكون كرواتيا هي الأولة الترتيب والمنتخب المغربي الثاني وبالتالي يتأهل للدور الجاي.
المدرب الفرنسي هيرفي رونار اللي سبق له تدريب المنتخب الوطني المغربي ولعب معه كوب ديموند 2018، كان متأكد ملي سوله على المجموعة 6 فكأس العالم 2022 والمصير ديال منتخباتها، وقال بلي كرواتيا عندها مدرب ولعابا كيقدمو عروض قوية وأن المغرب غادي يكون وصيف فالكروب، أما بلجيكا وكندا فغادي يتقصاو فالدور الأول.
رونار أكد بلي كيتبع المنتخب المغربي والأخبار ديالو والمغرب عندو عزيز حيث خدم فيه 3 سنوات ونص، وحتى حد ما غادي ينسى كأس العالم 2018 اللي دورز مع الأسود.