لائحة قوية ديال الوداد لماتش وجدة فيها 21 لعاب

قرر الحسين عموتة مدرب الوداد الرياضي يعتمد على لائحة كتضم 21 لعاب، فالماتش اللي غادي يلعب الفريق الأحمر غدا السبت، ضد مولودية وجدة فالجولة 7 من البطولة الإحترافية لكرة القدم.
وكيتواجد فلائحة الوداد اللي غادي تسافر لوجدة وهي لائحة قوية، كل من الحارسين رضا التمسناني ويوسف المطيع، وفالدفاع كاين أيوب العملود، وحمزة أيت علال، ويحيى عطية الله، وأرسين زولا، وأمين فرحان، والحسين بنعيادة.
وفوسط الميدان كاين الكابيتان يحيى جبران، ورضا الجعدي، وعبد الله حيمود، وهمام باعوش، وإسماعيل المترجي، وأيمن الحسوني، أما الهجوم فمكون من بديع أووك، وسيف الدين بوهرة، وجينيور صامبو، وحميد أحداد، ومحمد أوناجم، وصلاح الدين بنيشو، وكارتيي ديمبيلي.