الركراكي: ها حقيقة لقائي بحمد الله وأنا المسؤول إلى جا للمنتخب ولا ماجاش

نفى وليد الركراكي مدرب المنتخب الوطني المغربي أنه تلاقا بالمهاجم المغربي المثير للجدل عبد الرزاق حمد الله، خلال المدة اللي فاتت.
وكذب وليد الركراكي مدرب المنتخب الوطني المغربي خلال حوار له على قناة 2m، الإشاعات اللي رافقت السفر ديالو للخليج فالأيام الماضية وأنه ادز للسعودية باش يشوف حمد الله وأكد أنه كان فقطر ومامشاش للسعودية وماتلاقاش بحمد الله مهاجم إتحاد جدة.
وليد الركراكي أكد أن الفرص ديال عبد الرزاق حمد الله باش يكون مع المنتخب الوطني المغربي فكأس العالم فحالها فحال فرص أي لعاب مغربي وأكد أن حمد الله براسو قال بلي هو فحالو فحال أي لعاب مغربي، وشدد وليد الركراكي أنه بصفتو الناخب الوطني فهو المسؤول على استدعاء مهاجم إتحاد جدة أو الاستبعاد ديالو أن الاختيار كيبقى ديالو.