دراجي: الكريز اللي جاني فالماتش سبابو داكشي اللي وقع ليا فالجزائر

كشف المعلق الجزائري حفيظ دراجي اللي تم النقل ديالو للمستشفى فقطر البارح السبت، من بعدما جاه كريز وهو خدام كيعلق على ماتش فبطولة الصبليون بين اشبيلية واتليتيكو مدريد، أن داكشي اللي وقع له هو من تداعيات أزمة صحية جاتو ملي كان فالجزائر.
وخرج حفيظ دراجي باش يوضح للمتابعين ديالو شنو وقع له من بعدما راج خبر المرض ديالو وقال ففيسبوك: "بعد عودتي من إجازة قصيرة ،ورغم أنني كنت متعبا وددت خدمة جمهوري احتراما وتقديرا له ، لكن للأسف لم أفلح إذ تعذر علي استكمال التعليق على مباراة اليوم، مع العلم أن الأطباء نصحوني بأن أركن للراحة لبضعة أيام حتى أتعافى من وعكة صحية بسيطة ألمت بي في الجزائر".
وهاد المعلق الرياضي معروف بمواقفو المعادية للمغرب وهجماتو على بلادنا، وديما كيدير خرجات كتكره الإعلاميين والنشطاء والمغاربة عامة..