البنزرتي مشا لمولودية الجزائر

قرر التونسي فوزي البنزرتي المدرب السابق للرجاء الرياضي يخدم مباشرة بعد الانفصال عن الفريق الأخضر وما يبقاش شوماج، والتحق بفريق مولودية الجزائري.
وكشفت قناة الشروق الجزائرية أن التونسي فوزي البنزرتي، رسميا هو المدرب الجديد ديال فريق مولودية الجزائر، وهو اللي غيتولى القيادة ديالو فالمرحلة المقبلة.
للإشارة ففوزي البنزرتي قرر يرحل على الرجاء الرياضي وانفصل عليه منذ أيام، حيث ما بقاش مرتاح، واللي غيدرب الفريق الأخضر فالمكان ديالو هو التونسي الآخر منذر الكبير اللي كان قريب من تدريب مولودية الجزائر، قبل ما يحول الطائرة ديالو إلى المغرب للتعاقد مع الرجاء.