عمرو كمل مع شي وحدة عنها كثر من 25 عام.. ديكابيرو تفارق مع صاحبتو كاميلا موروني

يالاه قفلات 25 عام.. تفارق الممثل الميريكاني ليوناردو ديكابريو مع صاحبتو المانكان الأرجنتينية كاميلا موروني، من بعد 7 سنين ديال الحب، لأنه فاش تلاقا بيها كان فعمرها غير 18 العام.
المتتبعين ديال خبارات هوليود اكتشفو أن ديكابريو ما كيتصاحبش مع شي وحدة عمرها فوق 25 عام، وكيف ما كان نوع العلاقة غير كتقرب تكمل 25 عام كيتفرق معاها كل مرة لسبب مختلف.
ونشرات الصحافة الميريكانية المهتمة بأخبار المشاهير رسم بياني فيه صحابات ديكابريو لي كانو معاه من 1999 مني كان عمرو 24 عام فقط، وكيفاش كلهم فعمرهم أقل من 25 عام، وكيفاش كيتفارق معاهم قبل ما يكملو 25 عام.
الصحافة اعتبرت أن الأمر ماشي صدفة، وأن ليوناردو ديكابريو كيفضل البنات الصغارات، وما كيبغيش يتصاحب مع مرا عمرها فوق 25.