ها الهواية ديال بوريطة. كيفاش ما كان فراسو والو. رئيس الحكومة معاه وزير الخارجية كانو غاديين لتونس الجمعة

الوفد المغربي المشارك ف"تيكاد 8 تونس" كان غادي يقودو رئيس الحكومة عزيز اخنوش ووزير الخارجية والتعاون ناصر بوريطة. هاد الوفد دار بناقص بعد استقبال رئيس تونس قيس سعيد "الحار" لابراهيم غالي٬ زعيم البوليساريو كرئيس ل"الجمهورية العربية الصحراوية".
المغرب غادي يستدعي سفيرو فتونس كذلك اي ان العلاقات بين الدولتين غادية فاتجاه القطيعة.
دابا كيفاش بوريطة كان غادي ومعاه رئيس الحكومة ووزارتو بمصالحها ما فراسها والو على التقارب لكبير بين سعيد وبين الجزائر وكيفاش ما كانش فخبارها الاستقبال المحتمل لابراهيم غالي
اللي مؤكد حسب مصادر "كود" ان مصالح مغربية كانت على علم بهاد التحول وان تحليل للوضع توصلات بيه الخارجية.
دابا المشكلة كاينة فبوريطة وناسو. هادا ما فراسو والو خاصو يمشي فحالو