جينفير لوبيز لبسات كسوة ديال مصمم عربي فنهار عرسها

لبسات النجمة جينيفر لوبيز فحفل زواجها مع الممثل بن أفليك فلاس فيكَاس كسوة من تصميم ستيليست عربي، هو اللبناني زهير مراد.
جينيفر لوبيز من ديما وهي كتعامل مع زهير مراد، ولبسات من عندو فإطلالتها فالمهرجانات والسهرات الكبيرة بحال الأوسكار والكَرامي والكَولدن كَلوب.
وسبق لجنيفير لوبير لبسات نفس الكسوة ديال حفل عرسها ففيلم قديم ديالها، وقالت بللي حتى راجلها لبس كوستيم قديم ديالو، وماحاولوش يشريو حوايج جداد لهاد المناسبة باش يعطيوها طابع البساطة.
وتزوجات جينفير وبن أفليك، بعدما دازت 19 لعام على الفراق ديالهم فالمرة اللولة، فاش كانو مصاحبين ومكملوش ديك الساعة بسباب خلافات كانت وقعات بيناتهم.