امتحانات الباك.. استنفار فمؤسسة "عبد الهادي التازي" ففاس بعدما دخل إيكوتور صغير وسط وذن تلميذ وهزوه للصبيطار فحالة خطيرة

علمت "كَود" أن تلميذ مترشح لاختبارات الدورة العادية للامتحان الوطني الموحد ديال شهادة البكالوريا 2022 فمدينة فاس، هزوه صباح اليوم الأربعاء على للصبيطار باش تدار ليه عملية مستعجلة على وذنو.
ووفق ما كشفت عنه مصادر "كَود"، فإن هاد المترشح كان حاشي سماعات متطورة فوذنيه وذلك بهدف استعمالها فالغش، لكن طاحت ليه لداخل وسط وذنيه وبدا كيسمع الأصوات مجهدة وبقا كيغوت وسط مركز الامتحان.
مدير المركز ديال الامتحان اتاصل بالزربة بمصالح الوقاية المدنية والبوليس اللي كانو فباب السونتر واللي تدخلو بالخف.
دبا هاد المترشح تهز لمستشفى الغساني لتلقي الإسعافات الأولية، باش تدار ليه عملية مستعجلة ويخرجو ليه داكشي من وذنيه.
وذكرت مصادر "كَود" أن هاد التلميذ هو اللي خبر الأساتذة اللي كانوا حارسين بهاد المشكل اللي وقع ليه، مشيرة إلى أن حالته الصحية حرجة.