الشتا والرعد غرقو فاس.. الطرقان مقطوعين والشجر طايحة و"لاراديف" تدخلات باش تسرح القوادس وترجع الضو

ساعات من الشتا والرعد كانت كافية باش ترجع عدد من الأحياء والأزقة والشوارع ديال مدينة فاس لما يشبه ب"برك مائية". هادشي اللي شافتو "كود" تسبب في عدد من الخسائر قلب الشوارع الرئيسية ديال المدينة.
الرعد والشتا المجهدة اللي صبات ففاس هاد العشية، تسببات فسقوط عدد من الأشجار والأعمدة الكهربائية بلا حتى خسائر في الأرواح حسب ما علمته "كود" من مصادر متطابقة، واللي أكدت أن السلطات المحلية تدخلت في إطار اختصاصها باش تنسق مع مختلف المصالح ومواجهة كل ما من شأنه ان يشكل خطرا على الساكنة.
مصالح الوكالة المستقلة لتوزيع الماء والكهرباء بدورها عاشت استنفار كبير، وتدخلو فرقها بعدد من الأحياء والمناطق باش يسرحو القوادس اللي تخنقو وفيهم مشاكل، ويرجعو الضو اللي تقطع على الناس بعدد من الأحياء.
وكيف شافت "كود" الشتا اللي طاحت بزاف تسببات في شل حركة السير والجولان بعدد من المناطق.