رعدة خايبة طاح فيها التبروري بزاف خرجات على الفلاحة ف عدد من البلايص بجهة بني ملال خنيفرة – تصاور وفيديو

رعدة خايبة بزاف غادي خرجات على المحصول الزراعي بعدد من المناطق بجهة بني ملال خنيفرة.
"كَود" توصلت بعدد من الفيديوهات تظهر التبروري اللي طاح بمدينة مريرت والمناطق المجاورة لها.
هادشي وقع مساء يوم الثلاثاء 5 ماي، ف الوقت ديال الإفطار. وكاين الناس اللي حصلو ف الطريق وفطرو وسط الطوموبيلات ديالهوم.
التبروري اللي طاح داير بحال لحجر، كبير بزاف، وتسبب في خسائر مادية جسيمة.
المحصول الزراعي بعدد من المناطق بمريرت وخنيفرة تضرر بسبب هاد الرعدة الخايبة. جماعات قروية عاشو صدمة حقيقية. وخاصة الجماعة القروية "البرج" بالقرب من ضفاف نهر أم الربيع والمناطق القريبة منها.
ومن جانبها كشفت المديرية العامة للأرصاد الجوية بأن الشتا اللي صبات مؤخرا وصلات حتى ل50 ملم وكانت مصحوبة محليا بتساقط التبروري أو بهبات رياح، وهمت بولمان وفكَيك وجرادة والرشيدية وميدلت.
و ها الفيديو فهاد الرابط:
https://fb.watch/5i7HG5TEwq/