وريثة العرش فهولندا كتوجد تدخل للجامعة وغتسكن فكولوكاسيون

علنات الإدارة الإعلامية للعائلة المالكة الهولندية، على أن وريثة العرش الأميرة كاثارينا أماليا (18 عام) غادي تلتاحق بالدراسة فجامعة أمستردام العام الجاي.
الإعلان ديال العائلة الملكية ناشدات فيه الطلبة والأساتذة على احترام خصوصية الأميرة أماليا (Catharina Amalia) طيلة فترة وجودها فالحرم الجامعي.
الإدارة المذكورة قالت بللي البنت الكبيرة ديال ملك هولندا فيليم ألكساندر (Willem Alexander)، ولقبها الرسمي هو "أميرة أورانج" (Princesse d'Orange) ، غادي تبدا قرايتها فشعبة السياسة والاقتصاد.
وقالت العائلة الملكية أيضا بللي الأميرة والوريثة اللولة ديال العرش غتسكن فدار ديال الكرا مشتركة مع عدد من الطلبة لوخرين.